سوال: کسی ملک کی ترقی میں تعلیم کی اہمیت بیان کیجئے؟
ترقی کے لئے تعلیم کی اہمیت(پاکستان کی تعلیمی پالیسی کے حوالے سے) کسی بھی ملک کی ترقی اور فروغ میں تعلیم کو ایک اہم درجہ حاصل ہے۔ اسی کی بدولت افراد علم و آگہی کی دولت سے مالامال ہوتے ہیںاور علم ایک ایسی قوت اور دولت ہے جو استعمال کرنے سے بڑھتی ہے۔تعلیم کی اہمیت یہ ہے کہ
(۱) تعلیم نے انسان کو ارتقاءکے کئی مراحل سے گذرنے میں مدد دی ہے۔ جس کی بدولت انسان سائنس اور فنی ترقی کے موجودہ دور تک پہنچ سکا ہے۔
(۲) انسان تعلیمکی مدد سے ہی زمین کی فطری قوتوں پر قابو پاسکا ہے۔
(۳) تعلیم کسی قوم کے نظریے کو سمجھنے اور اس نظریے کو استحکام بخشنے میں مدد دیتی ہے۔
(۴) تعلیم افراد میں قومی شعور کو اجاگر کرتی ہے اور حب الوطنی کے جذبات کو فروغ دیتی ہے۔
(۵) تعلیم کسی بھی شہری کو اس کے حقوق و فرائض سے آگاہی میں مدد دیتی ہے تاکہ وہ معاشرہ کی فلاح و بہبود کے فروغ میں اپنا کردار ادا کرسکے۔
(۶) تعلیم سے لوگوں کی تخلیقی صلاحیتوں کے فروغ میں مدد ملتی ہے۔ جس سے معاشرے میں صحت مند اور تعمیری تبدیلیوں کا عمل تیز ہوجاتا ہے۔
(۷) تعلیمی ارتقاءاور معاشی ترقی کا چولی دامن کا ساتھ ہے۔ تعلیم کا معیار جتنا زیادہ بلند ہوگا افراد بھی اتنے ہی ہنر مند ہوں گے اور اتنا ہی ملک ترقی کر سکے گا۔
(۸) تعلیم قدرتی وسائل کی تلاش اور ان کے نفع آور استعمال میں مدد دیتی ہے۔
(۹) تعلیم انسانی وسائل کے فروغ کا سب سے بہترین ذریعہ ہے۔ تعلیم کے توسط سے ہی سائنسی اور تکنیکی ترقی ممکن ہوسکی ہے۔
By Fahim Patel
www.guesspaper.net
